У суботу, 23 мая, Веткаўскі музей правёў традыцыйную Ноч музеяў пад сімвалічнай назвай «Разгуляўся Юр’еў конь».
Вечар адкрыўся гучаннем жывой традыцыі ў выкананні фальклорнага ансамбля «Стаўбунскія вячоркі». Наведвальнікі маглі не толькі азнаёміцца з новымі экспазіцыямі, сярод якіх «Іконы і коні», «Народная ікона Пасожжа», «Выратаванае Евангелле» і «Вока», але і паслухаць куратарскія экскурсіі з самімі аўтарамі выстаў. Асаблівую цікавасць выклікалі майстар-класы: госці плялі саламяных коней- абярэгаў, распісвалі веткаўскія пернікі, а на вулічнай пляцоўцы назіралі, як працуюць кросны і выразаюцца дошкі для пернікаў.
Для самых юных наведвальнікаў працавала асобная дзіцячая зона, а дарослых і дзяцей аб’яднала батлеечнае прадстаў- ленне «Юр’еў цуд». Завяршыў праграму паказ дакументальнага фільма «Юраўскі карагод», які яшчэ раз нагадаў пра жывую сілу народных абрадаў.
