У Веткаўскім раёне ў рамках другога этапу рэспубліканскай акцыі «Моладзь за бяспеку» работнікі Веткаўскага раённага падраздзялення МНС разам з актывістамі Беларускай маладзёжнай грамадскай арганізацыі ратавальнікаў — пажарных наведалі Стаўбунскую сярэднюю школу, Пералеўскую сярэднюю школу, і гімназію горада Веткі.
Для дзяцей была падрыхтавана забаўляльная і навучальная праграма. Актывісты маладзёжнай арганізацыі распавядалі дзецям аб дзейнасці юных выратавальнікаў-пажарных, прэзентавалі часопіс “Юны выратавальнік” і мабільны дадатак «Дапамога побач», паказвалі тэматычныя фільмы аб маладзёжным руху, праводзілі віктарыны і конкурсы.