Дырэктар музея – Галіна Рыгораўна Нячаева.
Месца правядзення: філіял Веткаўскага музея стараабрадніцтва і беларускіх традыцый імя Ф.Р. Шклярава ў Гомелі, плошча Леніна, 4 (на тэрыторыі Гомельскага палацава-паркавага ансамбля).
Адбудзецца: 18 сакавіка 2017 г. (субота), 12:00.
Тэл.: 8 0232 75-88-87, 75-88-86
Даведкі па тэл.: (8029) 335-06-00 — Пятро
18 сакавіка (субота) 2017 года, Філіял Веткаўскага музея ў Гомелі запрашае ўсіх жадаючых на архаічны абрад «Гуканне вясны».
Каляндар Гомельскага Палесся і Падняпроўя вылучаецца найперш сваім веснавым «модусам мыслення», г. зн. асаблівай распрацаванасцю, сэнсавай шматпланавасцю, багаццем формаў і факусіраваннем у святах веснавога цыкла ледзь не ўсіх ідэй каляндарнай звычаёвасці. Гуканне вясны, характэрнае перад усім для гэтай тэрыторыі, распачыналася яшчэ на Стрэчанне і заканчвалася пасля Вялікадня на Ушэсце. Веснавыі звычаі і песні сталі своеасаблівым гімнам жыцця ва ўсіх яго складальніках — у сям’і і каханні, у руплівай працы на полі і чаканні ўраджаю, у гадоўлі статка і гаспадарчых будзённых клопатах.
Разам з вамі мы:
- Пойдзем на ўзбярэжжа р. Сож;
- Паслухаем, ды падпяем сапраўдным архаічным веснавым спевам разам са спеўным гуртом вёскі Стаўбун Веткаўскага раёна — «Стаубунскія вячоркі»;
- Паводзім карагоды, папяем ды пагуляем у вясёлыя гульні разам са спеўным гуртом ГМКГА «Талака»;
- Паспрабуем абрадавае печыва — птушачак;
- Распалім абрадавае вогнішча;
- Вырабім і спалім пудзіла Зімы;
- Прыгатуем яечню ды блінцы на вогнішчы;
- Патанчым пад гармонік;
- Правядзем весела і карысна час.
Сустракаемся а 12-й гадзіне каля будынку філіяла Веткаўскага музея ў Гомелі: г. Гомель, пл. Леніна, 4 (тэрыторыя Гомельскага палацава-паркавага ансамбля).